مہر خبررساں ایجنسی کی رپورٹ کے مطابق، ایران کی وزارت خارجہ کے ترجمان اسماعیل بقائی نے لکھا کہ غزہ میں نسل کشی کی تردید پر مبنی برطانوی وزیر خارجہ کا بیان انتہائی شرمناک اور نہایت غیر انسانی ہے۔
برطانوی وزیر خارجہ کا یہ بیان نسل پرست صیہونی حکومت کو مہلک ہتھیار فراہم کرنے اور اس کی سیاسی حمایت کی برطانوی پالیسی کے عین مطابق ہے کہ جس نے اسے اسرائیلی رجیم کے جرائم کا ساتھی اور شریک بنا دیا ہے اور برطانیہ نسل کشی کی ممانعت کے کنونشن کے مطابق بین الاقوامی قانونی ذمہ داریوں کی خلاف ورزی کا مرتکب ہوا ہے۔
انہوں نے مزید کہا کہ برطانوی وزیر خارجہ کا یہ موقف صیہونی رجیم کے ہاتھوں فلسطینیوں کی نسل کشی کی واضح حمایت ہے۔
یہ بیان انتہائی بھیانک استعماری ذہنیت کی یاد دلاتا ہے، جو اس بار فلسطینیوں کے خلاف منظم نسلی امتیاز اور یورپ میں اسلامو فوبیا کی شکل میں ظاہر ہوئی ہے۔
آپ کا تبصرہ